العقال يفسخ عقده مع الشباب الرياضي ويعلق: سامحت في رزوقي وخليتو لله ياخد لي حقي
قرر لاعب الشباب الرياضي، محمد العقال فسخ العقد الذي يربطخ بالنادي البيضاوي بالتراضي لأسباب إنسانية.
وودع العقال النادي برسالة مؤثرة، كشف فيها ما أسماه الجحف والظلم وعدم التقدير الذي عاشه في الفترة الأخيرة.
وتابع في رسالة مؤثرة على صفحته الرسمية بالفاسبوك قائلا:”اليوم كنطوي صفحة من حياتي دامت 5 سنوات كاملة… 5 سنين ماشي 5 شهور. 5 سنين ديال القلب والعرق والطيح والنوض. جيت لهاد الفريق ولد صغير وكبرت فيه راجل.”
وتابع:”جيت للقسم الثاني هواة، بدينا من الزيرو. الزيرو ضربنا تمارة لي ما يعلم بيها غير الله.”
وأضاف:”جميع أنواع الإصابات دزت منهم، رجلي خامجة، رجلي مهرسة، مفرقع، الركابي محروبين… وعمري ما هزيت رجلي. وعمري ما قلت لا. كنت كندخل للتيران مجروح وكنموت مع الفرقة، حيث كنت كنشوف هاد التوني دارنا. وكنا رجال وحققنا الحلم اللي كان مستحيل عند بزاف.”
وواصل:”في 5 سنين حققنا جوج صعودات تاريخية غتبقى محفورة فتاريخ النادي: الصعود الأول من القسم الثاني هواة للقسم الأول هواة. والصعود الثاني من القسم الأول هواة للقسم الوطني. جوج صعودات كتبناهم بالدم ديالنا، ماشي بالهضرة.”
وزاد:”عمري ما كنت مادي، كنت طالب غير شوية ديال التقدير، غير… ولكن فالآخر، مالقيت لا تقدير لا كلمة شكر، غير الوعود الكاذبة. وتعلمت درس كبير فهاد الحياة: إلى بغيتي دير الخير ديرو فوالديك وديرو فراسك. اليوم كنمشي وراسي مرفوع. مسامح فالرزق وخليتو لله، هو غياخد حقي.”
وختم:”شكراً للجمهور الحقيقي ولخوتي الدراري ديال الفيستيار لي دوزت معاهم الحلوة والدنيا دوارة. “اتق شر من أحسنت إليه”.”
