الشرقي البحري: كنمشي من أسفي وراسي مرفوع
ودّع الشرقي البحري مكونات أولمبيك أسفي في إشارة إلى أن اللاعب خرج بشكل رسمي من حسابات المدرب زكرياء عبوب.
وأكد البحري أنه فخور بتجربته مع فريق أولمبيك أسفي، بعدما قاده للفوز بأول لقب في مسيرته.
وتابع:”إلى عائلة الأولمبيك آسفي،
إلى المكتب المسير، الطاقم التقني، اللاعبين، وكل من حمل هذا القميص بشرف،
اليوم كنكتب هاد الرسالة وقلبي عامر بالفخر والاعتزاز، مرحلة تاريخية ما غاديش تنسى، لأنها كانت أول مرة فـتاريخ النادي يتحققو فيها إنجازات خلات اسم الأولمبيك آسفي يكتب بحروف من ذهب.”
وواصل:”تشرفت بزاف أنني كنت جزء من هاد الجيل، الجيل اللي قدر يفرح الجماهير، ويدخل للنادي إنجازات تاريخية، ويخليه حاضر بقوة على المستوى الوطني والقاري. كانت تجربة غنية، فيها التعب، التحدي، والنجاح… ولكن قبل كلشي فيها الروح، العائلة، وحب القميص.”
وتابع:”كنمشي اليوم وأنا راسي مرفوع، وفخور بكل لحظة عشتها هنا، وبكل شخص خدمت معاه، وبكل جماهير سانداتنا فالصعيب قبل السهل. الأولمبيك آسفي غادي يبقى ديما جزء مني والتاريخ اللي تكتب غادي يبقى شاهد علينا كاملين.”
